fbpx

Shembet njëra korsi e Autostradës Tiranë-Durrës (Foto)

Njëra korsi në autostradën Tiranë-Durrës është shembur tërësisht, me ç’rast është kthyer në një rrezik për automjetet ditën e sotme.

Në autostradën Tiranë-Durrës, në afërsi të Sukthit, korsia anësore e saj është shembur tërësisht në një gjatësi prej rreth pesë metrash. Shkak është bërë një defekt në tubacionin e ujësjellësit pranë mbikalimit hekurudhor, që la një pjesë të qytetit të Durrësit pa ujë.

Për të riparuar defektin, ndërmarrjes së Ujësjellës Kanalizimeve në Durrës, i është dashur të prishë edhe autostradën dhe të hapë në korsinë anësore të saj një gropë afro 6 metra të thellë.

Punimet e kanë ngadalësuar lëvizjen e automjeteve në këtë segment të autostradës.
Drejtoria e Rrugëve bëri të ditur se do të punojë prej ditës së sotme për ta riparuar autostradën, por pa sqaruar se sa do të zgjasin punimet, raporton Shekulli.

Tags

Lajme të ngjashme

Back to top button
Close