Vëllai i Shefqet Krasniqit: Fajet i ka politika

Imami i Xhamisë së Madhe në Prishtinë, Shefqet Krasniqi, Kurban Bajramin e kaloi në burg.

Nga shtëpia e Imamit që po akuzohet për prishjen e rendit kushtetues e cenimit të sigurisë shtetërore, një familjar po fajëson politikanët që Shefqet Krasniqi nuk gjendet në shtëpi për këtë festë.

“Shkaku është krejt politika. Parlamenti nuk mundet me i zgjedh punët e veta dhe ju kanë gju hoxhallarëve”, flet për Klan Kosova, i emocionuar e me lot në sy, Izet Krasniqi – vëllai i Shefqet Krasniqit.

Në familjen e Krasniqit po besojnë se arrestimi i Shefqet Krasniqit ishte i padrejtë dhe kësisoj po shpresojnë se ai me shokët duhet të lirohet sa më parë.