IRI: Qytetarët e Maqedonisë gjithnjë e më të pakënaqur nga gjendja ekonomike

Qytetarët e Maqedonisë gjithnjë e më të pakënaqur nga gjendja e tyre ekonomike. Anketa e fundit e Institutit Ndërkombëtar Republikan tregon se 72% e qytetarëve si problem kryesor e shohin ekonominë e varfër me të cilën përballet vendi. 44% nga të anketuarit madje besojnë se kjo gjendje ekonomike do të vazhdojë të përkeqësohet edhe më tepër në dy muajt e ardhshëm. Faktori kryesor për këtë gjendje është theksuar papunësia, që arrin rreth 30%. Faktor tjetër është edhe paga mesatare prej 348 euro, që e rendit Maqedoninë të fundit në rajon për nivelin e pagës mesatare.