fbpx

Presidentja duhet të veprojë!

Presidentja Jahjaga me shumë veprime të njëanshme,  ka luajtur rolin e një vegle të PDK-së dhe Hashim Thaçit. Gjithë këtij lëmshi dhe zvarritjes për krijimin e institucioneve të Kosovës, në masë të madhe i ka kontribuar edhe Presidentja Jahjaga. Presidentja duke qëndruar duarkryq, dita-ditës po na e dëshmon që me të vërtetë është një vegël e PDK-së, parti e cila është fajtore për moskrijimin e institucioneve të Kosovës.
Presidentja në bazë të atyre kompetencave që i ka, pas certifikimit të rezultatit nga KQZ-ja, është dashur t’i thërras dy partitë më të mëdha për t’ju kërkuar firmat e deputetëve, dhe cilado parti do t’i kishte numrat e nevojshme për zgjedhjen e kryetarit të Kuvendit dhe formimin e Qeverisë, atë koalicion ta mandatoj. Por ajo nuk veproi kështu. Nëse Presidentja Jahjaga do të vepronte në bazë të kompentencave që i ka, sot veç do t’i kishim institucionet e krijuara. Ajo deri më tash qëndroi indiferente dhe nuk ndërmorri asnjë hap për ta zgjidhur këtë lëmsh, të cilën bashkë me PDK-në dhe Gjykatën Kushtetuese e kanë krijuar. E tash pas deklarimit të Thaçit se po cënohet rendi kushtetues, ajo vendosi të ndërhyjë për zgjidhjen e këtij lëmshi. Nuk po e kuptoj tash Presidenten, pse tash të ndërhyjë, e jo më herët! Më duket se kjo thirrje e Presidentes drejtuar deputetëve të Kuvendit të Kosovës të gjejnë zgjidhjen për bllokadën politike, është si rezultat i presionit të madh të PDK-së të bërë ndaj saj, në mënyrë që ajo t’ju bëj trysni partive të koalicionit LDK-AAK-NISMA dhe VV, që edhe PDK-ja të jetë pjesë e pushtetit. Por Presidentja nuk guxon të bie pre e presionit dhe kërcënimeve të PDK-së. Presidentja Jahjaga është mëse e vetëdijshme- se Kosova s’mund të ngelet pa krijimin e institucioneve të reja, por as të shkojmë prapë në zgjedhje të jashtëzakonshme, për hir të kryeneqësisë së një partie dhe një Gjykate Kushtetuese që është shndërruar në një ”filial” juridik të PDK-së. Kështu që ”topi” është tek Presidentja dhe ajo duhet ta dëshmojë veten para qytetarëve të Kosovës, se është në shërbim të interesave të tyre dhe shtetit, e jo në shërbim të PDK-së dhe Hashim Thaçit. Si e para e vendit, tash i takon asaj ta zgjidh sa më parë këtë ”ngërç” institucional. Ta thërras koalicionin e shumicës, e në këtë rast është koalicioni LDK-AAK-NISMA që ka shumicën, ta mandatoj dhe Qeveria të krijohet sa më parë.  Presidente, ose vepro ti, ose vepron sovrani që ia besoj votën e vetë mbi 70 për qind partive politike, që kanë shumicën për ta zgjedhur edhe kryetarin e Kuvendit, por edhe krijimin e Qeverisë. Mosveprimi yt po na kushton shtrenjtë.

Lajme të ngjashme

Back to top button
Close