Ndryshojnë gjyqtarët e Ligës së Kampioneve

Këtë javë filloi kompeticioni më i madh evropian në futboll, Liga e Kampionëve. Kjo garë këtë vit ka risi në veshjet e gjyqtarëve.
Për dallim nga vitet tjera kur gjyqtarët kishin të veshura bluza të verdha, të gjelbra apo të kuqe, këtë vit, ata do të veshin bluza të zeza, me pantallona gri dhe çorape të zeza.

“Lojtarët dhe trajnerët kanë kërkuar që gjyqtarët t’i rikthehen ngjyrës së zezë pasi gjatë lojës ngatërroheshin me ngjyrat e verdha, të gjelbra apo të kuqe të arbitrave gjatë viteve të fundit”, shpjegoi Gonzalez, ish gjyqtar spanjoll.