Chelsea përsëri kryeson tabelën (VIDEO)
Chelsea po shkelë në Premierligë. Ekipi i Jose Mourinhos e ka mposhtur Swansea Cityn me rezultat të thellë 4:2 në Stemford Bridge. Hero i skuadrës londineze ishte Diego Costa, i cili realizoi het-trik.
Mysafirët kaluan të parët në epërsi me autogolin e John Terryt në minutën e 11-të. Por, një minut apa përfunduar pjesa e parë Diego Costa barazoi rezultatin në 1:1.
Kurse, në pjesën e dytë Chelsea ishte e pandalshme, derisa Diego Costa kompletoi het-trikun pasi realizoi edhe dy here, në minutën e 56-të dhe 67-të.
Në minutën e 72-të, Diego Costa ia liroi vendin Loic Remys për të cilin ishte ndeshja e parë në fanellën e Chelseas që prej transferimit nga QPR. Kurse, vetëm pas dhjetë minutave francezi realizoi për 4:1.
Ndërsa, katër minuta pa përfunduar takimi Swansea City e ka zvogëluar epërsinë në 4:2 me golin e Jonjo Shelvey. Pas kësaj fitore, Chelsea i prin e vetme renditje tabelore me 12 pikët të tubuara.
Rezultatet:
Arsenal 2 – 2 Manchester City
Chelsea 4 – 2 Swansea City
Crystal Palace 0 – 0 Burnley
Southampton 4 – 0 Newcastle United
Stoke City 0 – 1 Leicester City
Sunderland 2 – 2 Tottenham Hotspur
West Bromwich Albion 0 – 2 Everton