Humbja ndaj Shqipërisë, Paulo Bento largohet nga stoli i Portugalisë
Humbja që kombëtarja shqiptare i shkaktoi Portugalisë në eliminatoret e Euro 2016 i ka kushtuar shumë trajnerit të portugezëve, Paulo Bentos.
Duke pasur parasysh edhe mos suksesin në Botëror, federata portugeze e futbollit reagoi, duke njoftuar se ka rënë dakort me Benton për ndërprerjen e kontratës.
Federata falenderoi teknikun 45-vjeçarin për kontributin e dhënë dhe tashmë njoftoi se po punon për të gjetur zavendësuesin. /Portalb
