Strickling përgëzoi Ivanovskin për lidership në avancimin e internetit

Lawrence E. Strickling, ndihmës sekretar për komunikime elektronike dhe informatikë, dhe administrator në Administratën kombëtare për telekomunikacion dhe informatikë pranë Departamentit të tregtisë të SHBA, për takimin e sotëm me ministrin për shoqëri informatike të Republikës së Maqedonisë Ivo Ivanovski falenderoi atë për, siç tha, “lidershipin e tij në avansimin e çështjeve në lidhje me internetin dhe telekomunikacionin në nivel rajonal dhe ndërkombëtar”.

“Kishim një diskutim produktiv rreth formës së bashkëpunimit mes Shteteve të Bashkuara dhe Maqedonisë për avansimin e bashkëpunimit ndërkombëtar në mbështetje të qasjes për përfshirje të shumëanshme në menaxhimin e internetit. Shpresoj që bashkëpunimi ynë do të vazhdojë në muajt në vijim, për të promovuar dhe mbrojtur sistemin e përfshirjes të shumëanshme të faktorëve në menaxhimin e internetit, që promovon lirinë e shprehjes dhe zhvillimin ekonomik”, ka thënë Strickling.