Skandali seksual, Agron Cane përfundon në spital për probleme me zemrën

Nuk mbarojnë telashet për autorin e skandalit seksual në Sarandë. Agron Cane ka thuajse dy ditë që ka probleme me zemrën, tensionin e lartë dhe ka shfaqur shenja depresioni.

Ish-sekretari i deputetit socialist në Sarandë, Koço Kokëdhima, ndodhej në qelitë e paraburgimit të qytetit bregdetar dhe pas shqetësimeve të para, është dërguar menjëherë në urgjencën e spitalit të Sarandës, ku ndodhet nën kujdesin e mjekëve. Dera e dhomës në spital, ku ndodhet i shtruar Cane ruhet nga dy punonjës të policisë.

Ish-ushtaraku 63-vjeçar, akuzohet për ngacmim seksual ndaj të miturve si dhe ushtrim të paligjshëm për sigurimin e një vendi pune.

Cane u arrestua më 16 gusht pas publikimit të një videoje, ku përgjatë një bisede të publikuar në medie, i kërkoi nënës së 4 fëmijëve që të kryente marrëdhënie seksuale me të dhe vajzën e saj 14-vjeçare në këmbim të një vendi pune.