Martohen Brad Pitt dhe Angelina Jolie
Yjet botërore, Brad Pitt dhe Angelina Jolie janë martuar në një ceremoni private në Francë, me pjesëmarrjen e miqëve dhe familjes.
Martesa është bërë më 23 gusht, në vilën Miraval, në Provence, por lajmi nuk është publikuar deri sot.
Gjashtë fëmijët e çiftit, tre të adoptuar dhe tre të tjerë biologjik, gjithashtu kanë qenë pjesë e ceremonisë.
Përpos roleve në filma, të dy aktorët janë të angazhuar edhe në çështje të ndryshme humanitare.
Jolie njihet për punën e saj me refugjatët si e deleguar speciale dhe ish Ambasadore e Vullnetit të Mirë për Komisionerin e Lartë për Refugjatë të OKB-së, UNHCR).
Pitt është aktiv në disa fondacione humanitare.
Jolie dhe Pitt janë takuar gjatë xhirimit të filmit “Mr and Mrs. Smith” në vitin 2005, dhe prej asaj kohe kanë qenë bashkë.