Hashim Thaçi në New York, merr pjesë në asamblenë e OKB-së
Kryeministri Hashim Thaçi është nisur sot për në New York në të njëjtën ditë me Liderin e AAK’së, Ramush Haradinaj.
Zyra e Kryeministrit ka njoftuar për këtë vizitë të Thaçit në SHBA. “Kryeministri i Republikës së Kosovës, Hashim Thaçi, udhëtoi për në New York për të marrë pjesë në fillimin e punimeve të sesionit vjeshtor të Asamblesë së Përgjithshme të Organizatës së Kombeve të Bashkuara”, thuhet në njoftimin e Kryeministrisë.
Gjatë kohës së qëndrimit në New York, Kryeministri Thaçi do të ketë takime me burrështetas dhe diplomatë të shteteve të ndryshme.
Ndërkohë, një ditë më parë, Lideri i AAK’së, Ramush Haradinaj ka treguar se do të shkoj për vizitë zyrtare në SHBA dhe do të ketë takime me zyrtarët shtetëror amerikan dhe përfaqësues të komunitetit shqiptarë atje.