Falcao dëshirë e kampionëve të Anglisë

Një sulmues i lindur, një lojtar fantastik dhe i pafat pasi nuk luajti në Kampionatin Botëror shkaku i lëndimit, dhe një person aq shumë i dashur nga të gjithë. Radamel Falcao i transferuar për 60 milionë euro te Monaco nga Atl.Madrid, ishte shënjestra kryesore e Real Madridit, ndërsa tash është në “meny” të kampionëve anglez, Man.City.

Për ta respektuar fair-play financiar, City duhet të shet ndonjë futbollistë ndërsa thuhet se i ofron Monacos rreth 45 milionë euro për shërbimet e lojtarit. Ende nuk është dëgjuar fjala e fundit e mbretërve në garë për reprezentuesin kolumbian, por “citizens” për momentin janë në përparësi. Falcao ditë më parë shënoi gol ndaj Arsenalit në kuadër të Emirates Cup, pas plot nëntë muajsh.