Nga sherri del hairi
Ndërsa shqiptarët në Maqedoni po protestojnë për kërkojnë të drejta, pse maqedonasit po e kërkojnë “vdekjen e shqiptarëve “duke organizuar kundër- protesta në përpjekje për të ruajtur pozitat superiore në shtetin e Maqedonisë në dëm të të drejtave kombëtare e civile të qytetarëve shqiptar të këtij shteti. Ky reagim antiligjor e antidemokratik i sllaveve të mbështetur edhe nga politika e tyre ka ngjallur reagim por edhe frikë për një rritje të skajshme të tensionit dhe transferimit te konfliktit në rajon e më gjerë.
Në opinionin publik shqiptar dhe rajonal nuk është një gjë e re kërkesa sllavo-maqedonase për “vdekjen e shqiptarëve” gjë që nuk ka qenë vetëm një kërkesë por edhe një veprim historik e i përsëritur i shtetit dhe individëve urtar nacionalistë. Vete protesta e shqiptareve ka si motiv padrejtësitë që shteti maqedonas u bën qytetareve të tij shqiptar në rastin konkret dënimi i rendë me ,burgim te përjetshëm , pa prova të mjaftueshme juridike , te katër shqiptarëve. Por mendoj se ky është vetëm një nga momentet e dukshme të diferencimit që shteti i Shkupit u bën qytetareve te tij shqiptarë pasi ka qindra prova te tjera qe vërtetojnë trajtimin e tyre si qytetarë të dorës se ditë. Ekzistenca e shtetit maqedonas është garantuar deri tani në bazë të Marrëveshjes së Ohrit e cila ne shumicën e sajë ka ngelur vetëm në letër . Të drejtat kombëtare të shqiptareve si një prej dy etnive kryesore të shtetit të Maqedonisë lenë shume për të dëshiruar dhe përbën një burim të përhershëm zemërimi e proteste nga ana e tyre .Thirrje për “vdekjen e shqiptareve” apo “dhoma gazi për shqiptarët “ etje si këto dëgjohen publikisht në Maqedoni që nga stadiumet e sheshet e qyteteve e deri tek zyrat qeveritare e shtetërore që hapur apo kamufluar ,me vendime shtetërore, e bëjnë vazhdimisht një gjë të tillë . Sigurisht që shqiptarët i dinë këto dhe shumë here vet kanë toleruar histerinë antishqiptare maqedonase por ja ku vjen puna dhe kupa derdhet si në rastin e “mostrës” dhe e gjithë zemrat e mbledhur te shpërthen në rrugë . Mendoj se kërcënimi e për me tepër aksioni antishqiptar si përgjigje kundër protestave nga ana e Maqedonisë nuk me duket një veprim që i shërben shtetit maqedonas dhe vete qytetareve sllavë te këtij shteti.Protesta edhe pa reagimin maqedonas ka ngjallur një reaksion zinxhir të reagimit mbare kombëtar nga Presheva ne Prevezë .
Një përballje e drejtpërdrejtë e dy etnive mund ta përshkallëzojë konfliktin dhe ta nxjerrë s’tuten jashtë kontrollit të qeverise dhe shtetit maqedonas gjë qe nuk konvenon me asnjë interes normal të tyre . Një përballje e dhunshme e sllavëve me shqiptarët ne Maqedoni mund të çoje në kalimin ne alternativa te tjera te zgjidhjes se problemit dhe një reagim sipas parimit e sloganit tashme te njohur e te provuar , një komb një qëndrim, nga na e shqiptarëve që kanë edhe të drejtën morale , politike e ligjore ta bëjnë këtë. Qeveria maqedonase duhet ti bëjë llogarite mirë pasi shteti i vogël e i brishtë mund të mbijetojë vetëm me vullnetin e shqiptarëve , aktualisht në pozita ndërkombëtare e rajonale shumë më të forta e favorizuese se ta .
I rrethuar nga dy shtete shqiptare , njeri prej te cilëve anëtar i NATOA-s dhe dy te tjerë Greqia e Bullgaria që nuk e kane dashur kurrë një shtet maqedonas “kërcitja e dhëmbëve “ prej tyre ngjan si një sulm kamikaz ku njeri me bomba ne trup është vet shteti i Maqedonisë . Kërcënimin me kundra-protesta nga ana e sllavëve të Maqedonisë me duket një provokim i trashë presioni por shqiptaret nuk besoj se do të tërhiqen para këtij reagimi të sllavo-maqedonasve por edhe në se pa dëshirën e shqiptarëve vjen përballja me ta mund të na çojë në një zgjidhje definitive të problemit si në rasatin e luftës që çoi në Marrëveshjen e pa respektuar të Ohrit sigurisht këtë radhë jo për marrëveshje si ajo . Mendoj se një përgjegjësi të madhe politike e historike kanë politikanet shqiptar sidomos at ne pushtet ne Maqedoni tre cilët ne këtë situate duhet te marrin pa tjetër një pozicion të qartë ne mbrojtje te atyre që i kanë votuar ose te përgatiten për ti dhënë fund karrierave te tyre politike, por jo vetëm atyre , në Maqedoni apo ne troje te tjera shqiptare .
Skajimi i konfliktit i shqiptaro- maqedonas duhet të shqetësojë edhe aleatët tanë perëndimorë dhe sidomos garantët e Marrëveshjes së Ohrit moszbatimi i te cilës është edhe përgjegjësi e tyre . Besoj se “daullet” e Shkupit kanë rënë edhe në veshët e tyre duke shpresuar te reagojnë sa nuk është vonë .Në se Maqedonia e kanë ndarë mendjen të sillen si shtet vetëm i etnisë sallave përplasja e madhe herët a vonë do të vijë dhe shqiptarët, jo vetëm ata të Maqedonisë, duhet të jenë gati për këtë , kjo edhe pa vullnetin e munguar te qeverive apo qeveritareve te tyre ne këto tre shtete. Shpresoj shumë që kërcënimi sllavo-maqedonas të jete vetëm një reagim ne kuadrin e retorikes politike por gjithsesi nuk e shoh problem, veçanërisht për shqiptarët përplasjen në se maqedonasit e kërkojnë apo nisin te parët një gjë të tillë. “Nga sherri del hairi” -thotë një proverb i lashtë shqiptar . A do të funksionojë ne Maqedoni ?! – Shpresoj shumë . Me Kosovën funksionoi. Apo jo?!