KESAJ RADHE DO JETE NDRYSHE
(vazhdim) – NE AT` TETOVE THRRET TELALLI
…ç’të jetë
gjallë e varrosur në urinë e heshtur të njeriut
ambicie faraoni apo palcë skllavi
( Dosja e nje kenge te heshtur)
Në prologun e pjesës se parë thuhej se :…shpresa e fundit ne rrugë vazhdonte t`i puthte dorën profecisë mbi ardhjen e një njeriu me qime sheqeri…e që ne fakt aludohej, ose thënë më shtruar edhe ironizohej parasëgjithash motivi i jokorektësisë dhe pamaturisë në reflektimin respektivisht përcaktimin e identifikimin e karakterit dhe mentalitetit kolektiv ndaj raporteve shoqërore.
Në pjesën e parë te kësaj shkrese quintenca informative ishte, para së gjithash , pra, të përmendet idea e nje iniciative mbi formimin e një „komisioni qytetarë“, në cilësinë e një subjekti, elitar e prestigjioz, si trup autentik, aktiv e sovran, edhe, mbipartiak ; që mbase në fillim përgjatë fushatës zgjedhore ,do të ishin në debat publik me kanditatët e propozuar për kryetarë komune,,paskëtej do përfaqësonte „ trurin dhe zemrën“ e qytetarit dhe „ për qytetarin“, në trajtimin e nevojave dhe obligimeve,si dhe shqyrtimin e planifikimeve dhe formave organizative të aktiviteteve komunale ,
Paraprakisht me jetësimin e komisionit në fjalë, ky komision : „…do te intervistoje, testoje e vleresoje kandidatet e propozuar për kryetarë komune, publikisht, drejtperdrejt në media,
Komisioni, si e paramenduam të përbërë nga shtatë anëtarë , do të zgjidhej nga shtatë subjekte të shtresave dhe profesioneve të ndryshme,organizatave ose, shoqatave laike e fetare.
Subjektet e prezantuara, për shtatë ditë radhazi do diskutonin dhe justifikonin parashtrimet e ndërsjellta profesionale me pjesëmarrjen e tyre në këtë debat publik si një dialog të ofruar mbarëqytetarë përmes ndërmjetësimit emitues por neutral prej njërës nga mediat lokale.
Dialogu zhvillohet ne formën e lidhjes së drejtperdrejtë dhe të hapur për shkëmbime, kërkesa e këshilla me qytetarët si nëpërmjet propozimeve dhe interesimeve të caktuara profesionale a „civile“ poashtu edhe parashtrimin e temave informuese.
Dinamika e modeli i përzgjedhjes së komisionit rrjedh sipas principit të përfaqësimit të subjektit të dhënë me nga një prezantues.
Pra,shoqatat, subjektet civile, lidhjet asociative…etj., zgjedhin, ngjashëm ashtu si paraqiten në propozimin e ilustruar në vijim, si një model të mundshem- skicë.
Nga një perfaqësues nga :
– Shoqata e Arqitekteve
– Shoqata e Ekonomistëve
– Shoqata e Sociologeve
– Shoqatat Joqeveritare
– Lidhja e Arsimtarëve /Profesorëve
– Lidhja e Pensionistëve
– Bashkësitë Fetare
Si përfundim, të posazgjedhurit , përfaqësuesit, komisioni qytetarë pra, me maturi,objektivitet e neutralitet dhe në mënyrë profesionale do të profilizojë tiparet, aftësitë dhe mundesitë e kandidatëve, të propozuar për kryetarë komunal.
KOMISIONI , mëtej pas zgjedhjes së kryetarit komunal do të vazhdojë „jetën“ si trup i pavarur i të „ SHTATË TË URTËVE“ apo „KUVENDI I PLEQËVE“ si mbikqyrës i aktiviteteve dhe raporteve komunale, gjithnjë, i pavarur dhe neutral me ritëm dhe status të veçantë “
P S
Për shkaqe teknike është e nevojshme që ndokush nga shoqatat e cekura të merr për sipër kontaktet me njërën nga mediat lokale, për aranzhimin e termineve emituese.
RIBOTIM : GJENEZA E IDESE ” KESHILLI I SHTATE TE URTEVE – BOTUAR MË 02. 2013