Maqedonia vetëm barazim me Udinezen
Reprezentacioni i Maqedonisë në futboll (U-19) është duke qëndruar në Kroaci, ku po merr pjesë në kuadër të turneun ndërkombëtar “Kvarnerska Riviera”. Futbollistët e rinjt nga Maqedonia, kanë luajtur vetëm baraz 1:1 kundër ekipit italian Udineze.
Futbollistët e rinj nga vendi ynë kishin më shumë raste të mirë dhe loja ishte në anën e tyre, por në momentet vendimtarë futbollistët sulmues nuk arrinin që të konkretizojnë rastet para portës kundërshtare.
Golin e vetëm për Maqedoninë e ka shënuar Sulejmanov në minutën e 65-të për të barazuar rezultatin, pasi më herët kishte shënuar për italianët Sadio Samba.
Për Maqedoninë në këtë ndeshje luajtën: Shishkovski, Ristevski, Trajkoviç, Karamishev, Tallevski, Vellkovski, Dimov, Kostovski, Imeri, Sulejmanov, Babunski.
Luajtën edhe Mevlem, Zhuta, Stoillov, Najdovski dhe Angelov.