Edhe kundërmon, edhe era i vjen
Kandidati për kryetar komune i Tetovës, Izet Zeqiri, asnjë votë nuk do të marrë prej meje. Mirë, ama, atij sot dhe këtu i takojnë një milion ‘pëlqime’ për zbulimin e skandalit të paparë, ose të parë ndërlidhazi me datën 24 dhjetor 2012: zbulimin e “kurdistanit” të deputetëve të VMRO-së, të krijimit të kuorumit si me qenë ata deputetë të BDI-së, të LSDM-së etj. (ndoshta edhe janë, ku ta dish!). Për këtë udhëheqësit të komisionit gjegjës, Aleksandar Nikollovski, as që i bëhet vonë, bile tregohet edhe mjaft i ashpër me deputetin akademik, kështu që për pak, fitohej përshtypja, sa s’e hodhi jashtë.
Aty ku, prej kohësh, është opozita e Brankos.
Duke qenë se gjithandej edhe kundërmon, edhe era i vjen, faktorit ndërkombëtar më ‘i plasi filmi’ dhe tha (ambasadori amerikan në Shkup Pol Volers): “Të gjitha palët e involvuara, partitë dhe individët, duhet të vlerësojnë se cili është interesi më i mirë për të ardhmen e Republikës së Maqedonisë dhe të ndërmarrin hapa për t’i ndihmuar vendit, në vend se këtë ta bëjnë individualisht për ndonjë parti a personalitet”.
Në datat 13 – 15 shkurt në Shkup do të qëndrojë raportuesi i BE-së Riçard Hovit, i cili veç më tha se “nuk do të jetë as gjykatës, as ndërmjetësues”. Thjesht, ka thënë ai, “dua të vë dialogun dhe procesin ta çojmë përpara”. Asambleja Parlamentare e KiE me 21 deputetë ka ngritur iniciativën që KiE të analizojë shkaqet e incidentit të dhjetorit, problemet që dolën prej tij në sferën e demokracisë dhe shkaqet pse tensionet dhe konfliktet nuk ishin zgjidhur në mënyrë demokratike.
Shkupa fryn në Shkup, po Acelendin s’e trazon dot: aty ca politikanë çirren dhe thonë se nuk lëvizin asnjë milimetër, qoftë edhe me Hitler a Çaushesku t’i krahasojnë 24/7/365.
Thua t’kenë t’bame? Kjo me deputetët maqedonas zor se është afër pohimit. Tjetër është vakia me deputetët shqiptarë.
Në përjashtim të deputetit zbilues (momentalisht zbulues).
Zoti na ndihmoftë!