Bayern Munchen insiston për Guardiolën
Bayern Munchen siç duket seriozisht është angazhuar që në sezonin e ardhshëm në pankinë të ul trajnerin më të kërkuar në botën e futbollit Pep Guardiola.
Raportohet se skuadra bavareze ka zhvilluar një seri të bisedave me agjentin e Pep Guardiolës.
Ish-trajneri i Barcelonës, i cili së fundi është përfolur si kandidat I mundshëm për pankinën e Manchester Cityt dhe të Chelseat, deklaroi se do t’i kthehet futbollit në sezonin e ardhshëm.
Mediat spanjolle shkruajnë se Josep Maria Orobitg është takuar me zyrtarë të Bayernit muajin e kaluar për të diskutuar interesimin e Guardiolës për t’u transferuar në Gjermani.
Orobitg është i afërt me vëllain e Guardiolës, Pere, i cili përfaqëson trajnerin në biseda me klubet e interesuara.
