13 apo 22 % janë shqiptarët në DAP?
Në Drejtorinë e të hyrave publike (DAP) të Maqedonisë, ashtu siç pretendon zëvendës drejtori i përgjithshëm i saj, Muhamet Ameti, përfaqësimi i shqiptarëve është në nivel të kënaqshëm, por ende nevojitet punë për të arritur në 25 përqindëshin e paraparë komfor Marrëveshjes Kornizë të Ohrit (MKO).
‘Në Drejtorinë e të hyrave publike, shqiptarët janë të përfaqësuar me diku rreth 22 për qind’ tha Ameti.
Por, të dhënat zyrtare të Avokatit të Popullit, institucion ky i cili është i autorizuar për vëzhgimin e gjitha institucioneve të vendit, bazuar në raportin e vitit 2011, thuhet se shqiptarët janë të përfaqësuar me rreth 13 për qind.
Raporti i vitit 2012 ende po punohet, ai publikohet në fund të marsit, tha Ixhet Memeti, Avokat i Popullit.
‘Numri i përgjithshëm i të punësuarve në DAP në vitin 2011 ishte 1335. Prej tyre, 85 janë në vende udhëheqëse ndërsa në pozita jo udhëheqëse 1250.
1084 të punësuar janë maqedonas, ndërsa 100 shqiptarë (apo 13%), 13 të punësuar turq, 3 romë, 15 vllahë, 15 serb dhe 2 të tjerë.
Nga këto 100 të punësuarit shqiptarë, në vitin 2011, 8 persona kanë qenë në poste udhëheqë se ndërsa 92 jo udhëheqë se’ tha Memeti./Portalb