Regjimi i Assadit me sulme artilerike shkel Marrëveshjen e Soçit
Regjimi i presidentit sirian Bashar al-Assad dhe palët e grupeve terroriste që i ofrojnë mbështetje regjimit, krahas marrëveshjes së arritur në Soçi për mbrojtjen e armëpushimit, vazhdojnë me sulmet e dobëta artilerike në zonën e deeskalimit të përleshjeve në Idlib, raporton Anadolu Agency (AA).
Regjimi i Assadit dhe grupet terroriste që kanë mbështetjen e Iranit vazhdojnë me sulmet artilerike me intensitet të dobët në rajonin e rrethinës së Latakias, në jug të Idlibit, Halepin perëndimor, dhe në rajonin rural në veri dhe perëndim të Hama-s.
Mësohet se në sulmet e fundit janë lënduar dy fëmijë.
Vendosjen e zonave të demilitarizuara në Idlib, si enklava më e madhe rebele në SIri, e dakorduan nga mesi i muajit të kaluar presidenti turk Recep Tayyip Erdogan dhe homologu i tij rus Vladimir Putin.
Pas marrëveshjes nga Soçi, në Idlib filloi një periudhë e re, ndërsa përfunduan sulmet dhe kërcënimet e regjimit dhe ato ruse.
Rreth 80.000 civile që braktisën shtëpitë në sulmet e fundit, si dhe periudha para saj, u kthyen nëpër shtëpitë e tyre. Civilët, duke besuar në praninë e ushtarëve turq në pikat e vëzhgimit, filluan të ndërtojnë shtëpitë e rrënuara.
Ndonëse gjendja materiale është larg nga e mira, familjet filluan t’i dërgojnë përsëri fëmijët në shkollë. Rritja e sigurisë sigurisht ka kontribuar në ndryshimet në jetën sociale dhe ekonomike.