Deputeti Muhiq për ndryshimet kushtetuese: Besoj se nesër do të ketë sukses

Para seancës plenare, deputeti i Lidhjes Social Demokrate të Maqedonisë, Ferid Muhiq ka deklaruar se beson se nesër do të ketë sukses votimi “për” i ndryshimeve kushtetuese që parashihen me marrëveshjen e Prespës, njofton Portalb.mk.

“Nëse votohet, do të thotë është siguruar shumica e dy të tretave, nëse nuk votohet, d.m.th. nuk janë, afati është diku të mërkurën, por besoj se nesër do të ketë suksese”, tha Muhiq.

Ardhja e diplomatëve amerikanë, sipas Muhiq është shtytje që procesi të ketë sukses.

Nga ana tjetër, në konferencë për media, deputeteja e Lidhjes Social Demokrate të Re, Sanja Mirakovska deklaroi se shumica beson se i ka siguruar 80 deputetët.

http://portalb.mk/564464-seanca-plenare-nuk-ka-filluar-perpjekje-per-te-siguruar-80-deputetet-per-ndryshimet-kushtetuese/