Pacolli përshëndet deklaratat e Komshiqit rreth Kosovës, thotë janë personale por edhe pragmatike

Zëvendëkryeministri dhe Ministri i Jashtëm i Kosovës, Behgjet Pacolli, thotë se është për t’u përshëndetur qëndrimi transparent i anëtarit të presidencës së Bosnje e Hercegovinës, Zhelko Komshiq, në lidhje me njohjen, ndonëse, thotë Pacolli, ky është qëndrim i tij individual, transmeton Koha.net.

Komshiq, duke theksuar se është mendim i tij personal, para disa ditësh ka thënë se nuk ka kurrfarë dileme se Kosova është shtet i pavarur. “Por duhet ta dini – ky është mendimi im privat”, tha ai.