Padi penale kundër ish drejtorit të Agjencisë për Kadastër

Departamenti për krim të organizuar dhe korrupsion pranë Prokurorisë Themelore Publike në Shkup, ka ngritur padi penale kundër ish-drejtorit të Agjencisë për Kadastër dhe Patundshmërive në Maqedoni S.T (44) nga Shkupi, nën dyshimin se ka keqpërdorur pozitën zyrtare, njofton Portalb.mk.

Siç njoftojnë nga Ministria e Brendshme, S.T në pozitën e drejtorit të Agjencisë për Kadastër dhe Patundshmërive në Republikën e Maqedonisë, ka vepruar në kundërshtim me Ligjin për zyrtarët administrativ, duke marrë vendim për avancimin e 128 zyrëtarëve pa zbatim të procedurës së rregullt ligjore.

S.T pa dërguar kërkesë për ta filluar procedurën për avancimin e zyrtarëve administrativ deri te njësia organizative për avancim me resurset njerzore, pa njoftim nga Ministria e Financave për sigurimin e mjeteve, pa shpallje publike në ueb-faqen e Agjencionit dhe një sër shkeljesh tjera në këtë proces e ka dëmtuar buxhetin e Republikës së Maqedonisë me rreth 7.343.131 milion denarë.

“S.T pa njoftuar gjithashtu ka vepruar në kundërshtim me nenin 5 të Ligjit për Punonjësit e Sektorit Publik. Pa zbatuar procedurat transparente për avancimin e zyrtarëve administrativë dhe pa respektuar parimin e kushteve të barabarta dhe qasjen e barabartë në vendin e punës, ai vendosi që të nxiste punonjësit e Agjencisë në pozita më të larta se ato të mëparshme, për të cilët u rritën dhe të ardhurat”, thuhet në njoftimin e Ministrisë së Punëve të Brendshme.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP