Tenori Ismet Vejseli të shtunën mban koncertin e parë recital në Kumanovë

Tenori I talentuar Ismet Vejseli të shtunën më 13 tetor do të mbajë koncertin e tij të parë recital edhe atë në qytetin e tij të lindjes në Kumanovë, transmeton Portalb.mk. 

Koncerti do të mbahet në Shtëpinë e kulturës në Kumanovë, me fillim nga ora 18.00. Ismeti do të jetë i përcjellur me piano nga Biljana Petrovska, ndërsa koncertit do t’i bashkëngjitet edhe violinistja kumanovare Zana Zumeri me paraqitjen e saj solo.

Në program do të jenë vepra të G.Bononcini, L.V. Beethoven, Paradis, Brahms, Hubay dhe Schubert.

Koncerti në fjalë është I përkrahur nga Ministria e Kulturës.

Ndryshe, Ismet Vejseli është student i solo këndimit në Fakultetin e arteve muzikore në Shkup në klasën e sopranos së njohur botërore Ana Durlovski. Ka të mbaruar shkollën e ulët dhe të mesme të muzikës për solo këndim, gjatë kohës që ishte nxënës në shkollën e mesme të muzikës “Ilija Nikollovski Lui” punoi me tenorin Mustafa Imeri dhe pas një viti pune Ismeti, ishte fitues i çmimit të parë në garat shtetërore për solo këndim në vend, duke u bërë kështu nxënësi i parë shqiptar që fiton çmim të parë në gara shtetërore në Maqedoni. Tre vitet e ardhshme Ismeti, ishte fitues I çmimit të parë në po të njëjtën garë. Në vitin 2016 merr pjesë në festivalin ndërkombëtar muzikor në Arangjellovac të Serbisë, ku po ashtu fiton çmimin e parë për solo këndim. Pas kësaj përzgjidhet nga shkolla e muzikës Ilija Nikollovski Lui që të jetë pjesë e master kursit në Prizren të Kosovës, ku punoi me sopranon nga Spanja Dolores Delgado, pas çka e fitoi mundësinë për të marrë pjesë në Forli, Itali ku kishte koncerte dhe vazhdoi punën me profesoreshën Dolores Delgado.

Deri tani ka pasur koncerte të shumta në Shkup, Prishtinë, Kumanovë e qytete të tjera. Ky është koncerti i tij i parë solo, pas çka po përgatitet për koncert në Tiranë dhe gara në Elbasan.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP