Xhaferi për ligjin e gjuhëve: Kriza nuk do të pengojë që të publikohet në Gazetën Zyrtare

Kryetari i Kuvendit të Maqedonisë, Talat Xhaferi është shprehur i prerë, se edhe përskaj situatës së re të krijuar në Maqedoni pas referendumit të 30-shtatorit, ligji i gjuhëve do të publikohet në Gazetën Zyrtare, por nuk premtoi datë, transmeton Portalb.mk.

“Nuk është çështje e premtimeve të mija, është çështje e obligimeve të mija kushtetuese. Tash kur do të ndodhë, do të ndodhë”, tha Xhaferi në emisionin “Real Story” me Sokol Ballën.

Kryeparlamentari Xhaferi tha se publikimi i ligjit të gjuhëve në Gazetën Zyrtare nuk do të ndikohet nga kriza e re që u krijuar në Maqedoni, dhe pamundësia e sigurimit të 80 deputetëve për të votuar ndryshimet kushtetuese që vijnë pas referendumit të 30-shtatorit.

“Jo, jo, nuk mundet”, tha Xhaferi i prerë.

LEXO: Ligji i gjuhëve dhe Marrëveshja për Emrin bashkë do të shpallen në Gazetën Zyrtare

Përndryshe, ligji i gjuhëve është votuar për herë të dytë më 14 mars të 2018-s, por për shkak se ai nuk u dekretua nga presidenti Maqedonisë, Gjorge Ivanov, nuk është publikuar në Gazetën Zyrtare, me çka edhe nuk ka hyrë në fuqi. Kryetari i Kuvendit të Maqedonisë, Talat Xhaferi kohë më parë deklaroi se ligji do të publikohet në Gazetën Zyrtare pas referendumit të 30-shtatorit, bashkërisht me Marrëveshjen e ratifikuar Maqedoni – Greqi, e cila poashtu nuk është dekretuar nga Ivanovi.

17 vjet nga Marrëveshja e Ohrit, gjuha shqipe ende e papërdorshme në institucione shtetërore

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP