Formula 1, Hamilton fitues i Çmimit të Madh në Rusi
Piloti britanik Lewis Hamilton nga ekipi Mercedes ka fituar garën për Çmimin e Madh të Rusisë në Formula 1, raporton Anadolu Agency (AA).
Gara e 16-të e sezonit në Formula 1 u zhvillua në 53 xhiro në pistën e Soçit, e gjatë 5.848 kilometra.
Garën në pozicionin “pole” e filloi piloti tjetër i Mercedesit Valtteri Bottas, i cili garën e përfundoi në vendin e dytë.
Sebastian Vettel dhe Kimi Raikkonen nga Ferrari përfunduan në vendin e tretë, respektivisht të katërt.
Ndërkohë, Max Verstappen nga ekipi Red Bull-TAG Heuer, i cili garën e nisi nga pozita e 19-të, në xhiron e tetë arriti të ngjitet në vendin e pestë.
Hamilton me këtë sukses në Rusi arriti fitoren e tetë në këtë sezon dhe të 70-tën në karrierë.
Me këtë rezultat, Hamilton ka tubuar deri më tani 306 pikë, duke lënë 50 pikë prapa ndjekësit e tij pesë gara para përfundimit. Piloti britanik ndiqet nga Sebastian Vettel me 256 pikë dhe kolegu nga ekipi i tij Bottas, i cili ka tubuar 189 pikë.
Gara e 17-të e sezonit do të mbahet për Çmimin e Madh në Japoni më 7 tetor.
– Dhjetë vendet e para për Çmimin e Madh në Rusi:
1. Lewis Hamilton (Mercedes)
2. Valtteri Bottas (Mercedes)
3. Sebastian Vettel (Ferrari)
4. Kimi Raikkonen (Ferrari)
5. Max Verstappen (Red Bull-TAG Heuer)
6. Daniel Ricciardo (Red Bull-TAG Heuer)
7. Charles Leclerc (Alfa Romeo Sauber)
8. Kevin Magnussen (Haas-Ferrari)
9. Esteban Ocon (Force India-Mercedes)
10. Sergio Perez (Force India-Mercedes)
– Radhitja e përgjithshme e pilotëve
1. Lewis Hamilton (Britani e Madhe): 306 pikë
2. Sebastian Vettel (Gjermani): 256
3. Valtteri Bottas (Finlandë): 189
4. Kimi Raikkonen (Finlandë): 186
5. Max Verstappen (Holandë): 158
– Radhitja e ekipeve
1. Mercedes: 495 pikë
2. Ferrari: 442
3. Red Bull: 292
4. Renault: 91
5. Haas: 80