FIKF “Vëllezërit Manaki” përfundon me çmime për kinematografët më të mirë

Me ndarjen e çmimeve “Kamera 300”, në Manastir sonte do të përmbyllet Festivali i 39-të Internacional i Kamerës së Filmit “Vëllezërit Manaki” i cili që nga e shtuan e kaluar u mbajt nën moton “Heqim kapelën” dhe publikut i ofroi 95 filma në 14 programe, transmeton MIA.

Në konkurrencë për tre çmimet “Kamera 300” (e artë, e argjendtë dhe e bronztë) për kinematograf më të mirë garuan 12 filma: “Tranzit” (Gjermani); “Lufta e ftohtë” (Poloni); “Mizat e dimrit” (Çeki); “Vera” (Rusi); “Aga” (Bullgari); “Djegia” (Koreja Jugore); “Fokstrot” (Izrael); “Niko” (Itali); “Hiri është më i pastër i bardhë” (Kinë); “Pasuri e patundshme” (Suedi); “Vajza” (Belgjikë) dhe hiti në SHBA  i Spajk Li.

Yje të festivalit të sivjetmë ishin  kinematografi britanik dhe poseduesi i Oskarit Roxher Dikins dhe diva italiane e filmit me karrierë botërore Klaudia Kardinale të cilat në hapje i pranuan çmimet “Kamera e artë 300” për vepër jetësore, gjegjësisht për kontribut në kinematografinë botërore. Aktorja Milica Stojanova, këtë vit e fitoi çmimin “Ylli i madh” nga Shoqata e profesionistëve të filmit të Maqedonisë.

Алекс Цветков

Festivali do të përfundojë me premierën e filmit të shkurtër shkencor-fantastik “Zbuluesi” i regjisorit të ri me origjinë maqedonase Aleks Cvetkov i cili jeton dhe punon në Slloveni. Temë e filmit është opsesionimi me teknologji i kohës së re, varshmëria nga rrjetet sociale dhe se si ato reflektojnë në jetën e njerëzve.

Cvetkov është djali i kaskaderit të famshëm nga Maqedonia, Rok Cvetkov, i cili punonte në filma holivudian si “Lista e Shindelrovit”, “Patrioti”, “Vendi i askujt”. I riu Cvetkov studion regji në Los Anxhelos, ndërsa ky film debutues është punim i tij i diplomës.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP