Sllovenia pa Oblakun deri në fund të vitit

Federata Sllovene e Futbollit ka pranuar kërkesën e Jan Oblak, portierit të Atletico Madrid, që të mos ftohet nga përfaqësuesja sllovene deri në fund të këtij viti, transmeton Anadolu Agency (AA).

Portieri 25 vjeçar, sipas pretendimeve të mediave spanjolle dhe sllovene, në Madrid u takua me Radenko Mijatoviç, presidentin e FF të Sllovenisë. Gjatë takimit Oblak ka kërkuar që të mos ftohet nga përfaqësuesja sllovene deri në fund të vitit, në mënyrë që të shërohet plotësisht nga lëndim i shpatullës.

Një nga portierët më të mirë evropian gjatë bisedës me Mijatoviç ka thënë se, nëse dakordohen, me kënaqësi do të pranojë rolin e kapitenit të përfaqësueses sllovene dhe se kjo do të ishte nder i madh për të.

FF e Sllovenisë thotë se Oblak ka një dëshirë të madhe që me përfaqësuesen të arrijë rezultate të mira për kualifikim në Kampionatin Evropian, që fillon në mars të vitit të ardhshëm.

Në tetor Slloveninë e presin dy ndeshje të Ligës së Kombeve, të cilat do t’i luaj pa Oblakun. Më 13 tetor do të udhëtojnë në Norvegji, dhe tre ditë më vonë do të presin Qipron.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP