BE ndërmerr veprime ligjore kundër Polonisë

Komisioni Evropian (KE) ka ndërmarrë veprime ligjore kundër Varshavës zyrtare në Gjykatën Evropiane të Drejtësisë për të mbrojtur pavarësinë e Gjykatës Supreme të Polonisë, transmeton Anadolu Agency (AA).

Në një njoftim KE tha e ligji i ri polak mbi Gjykatën Supreme ul moshën e daljes në pension të gjyqtarëve të Gjykatës nga 70 në 65, duke vënë 27 nga 72 gjyqtarët e Gjykatës në rrezik që të detyrohen të dalin në pension.

Komisioni theksoi se ligji polak mbi Gjykatën Supreme është “i papajtueshëm me ligjin evropian, pasi minon parimin e pavarësisë gjyqësore, përfshirë pandërrueshmërinë e gjyqtarëve”.

Komisioni po ashtu kërkoi nga Gjykata Evropiane e Drejtësisë të urdhërojë masat e përkohshme, duke rivendosur Gjykatën Supreme të Polonisë në gjendjen e saj para 3 prillit të vitit 2018, kur u miratuan ligjet e reja kontestuese.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP