Ronaldo gjen përforcimin e ri në Juventus (FOTO)

Cristiano Ronaldo ka kërkuar transferimin e një ish bashkëlojtari të tij në Juventus.

Cristiano Ronaldo sponsorizon transferimin e mundshëm të James Rodriguezit tek Juventusi. Sipas mediave spanjolle, “ylli” portugez po u bën presion drejtuesve bardhezi për të bërë të mundur ribashkimin me ish-shokun e skuadrës te Reali i Madridit, aktualisht pjesë e Bayernit të Mynihut.

Ronaldo ka konsideratë të veçantë për futbollistin kolumbian, madje sezonin e kaluar në disa raste ka shprehur hapur pakënaqësinë e drejtuesve “merengues”, që lejuan largimin e tij drejt kampionëve të Bundesligës.

CR7 dëshiron të luajë sërish në të njëjtën skuadër me Jamesin, ndaj po ndikon që Juventusi të luajë të gjitha kartat për ta sjellë në “Allianz Stadium” nga bavarezët, transmeton “SS”.

Bayerni ka ndërmend që ta blejë përfundimisht kartonin e kolumbianit, sikurse ka rënë dakord me Realin, kështu që ky operacion, konsiderohet i vështirë për bardhezinjtë, por jo i pamundur.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP