Izetbegoviqi: Vuçiqi flet për paqe, por po armatoset

Presidencës boshnjake Bakir Izetbegoviq e ka akuzuar kryetarin e Serbisë Aleksandar Vuçiq duke thënë se ai flet për paqe e në anën tjetër armatoset, transmeton Koha.net.

Izetbegoviqi në intervistë për portalin sarajevas Klix, ka thënë se Vuçiqi e ka parë veten pas gabimeve të mëdha e të shumta që serbët i kanë bërë, por ai ia sheh për të madhe atij që flet për pajtimin me boshnjakët dhe është për B e H-në unike ndërsa në të njëjtën kohë miqësohet dhe me asnjë fjalë nuk e kundërshton kryetarin e Republikës Serbe Milorad Dodik i cili i fyen boshnjakët dhe vë në pikëpyetje integritetin e Bosnjës e të Ballkanit.

Ai ka shtuar se në fjalimin e tij në Kosovë, Vuçiqi ka lavdëruar udhëheqësit e luftës dhe të dënuarit për krime lufte”.

Izetbegoviqi ka thënë se Vuçiqi po përpiqet që me fjalë të mëdha ta kënaqë e ta qetësojë pjesën radikale të opinionit serb para se të ndërmarrë ndonjë hap për Kosovën që do të mund të shkaktonte kryengritje.

“Është e qartë se ka ardhur koha për vendimin përfundimtar për zgjidhjen e nyjës kosovare”, ka thënë Izetbegoviqi.

Kryetari i Partisë për Aksion Demokratik mendon se statusquoja e lodh Serbinë, e frenon rrugën e saj evropiane dhe se është vështirë të jesh udhëheqës serb e të pranosh realitetin, pavarësinë e Kosovës

Duke foluri për këmbimin eventual të territoreve, ai ka shfaqur frikën se ky veprim do të shtojë apetite në Republikën Serbe për pavarësi, krijimin e entitetit kroat dhe bashkëpunimin e politikanëve serbë e kroatë në këtë drejtim.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP