Festivali “Jazzfest Tetova”, të premten arti i Eda Zarit shfaqet në Tetovë (VIDEO)

Në kuadër të edicionit të tretë të festivalit të muzikës xhaz “Jazzfest Tetova”, në Tetovë do të vijë ikona e muzikës xhaz, Eda Zari, njofton Portalb.mk.

Më 21 tetor, e premte, duke filluar nga ora 20:00, në Pallatin e Kulturës së Tetovës, Eda Zari do të performojë me grupin e saj në përbërje të: Rhani Krija, Gert Kapo, Vladimir Gica, Christian Kappe dhe Visar Kuçi.

LEXO: “Jazz Festival” vazhdon traditën, në Tetovë sjellë ikonat e xhazit (FOTO)

Krahas Eda Zarit, festivali “Jazzfest Tetova” më 29 shtator do të sjellë ikonën tjetër Rona Nishliun quartet e kurse më 25 tetor Toni Kitanovski dhe Ritmos Negros, trio me muzikantë nga Peru, Spanja dhe Bullgaria.