Kryeministri Rama kërkon hapjen e degës së Air Albania në Prishtinë

Kryeministri i Shqipërisë, Edi Rama i ka kërkuar kompanisë Air Albania të marrë në konsideratë hapjen e një dege në Prishtinë.

Një kërkesë e tilë nga Kryeministri Rama është bërë e ditur në ERTV News, ndërkohë që mësohen detaje të reja në lidhje me operimin në Tiranë të Air Albania, transmeton Klan Kosova.

Kështu, Shqipëria tashmë ka kompaninë e saj ajrore të flamurit kombëtar.

Air Albania ka lindur pas një përgatitjeje të gjatë dhe falë partneritetit me Turkish Airlines, në akademinë e së cilës janë shkolluar 38 stjuardesat, stjuartët dhe e gjithë pjesa tjetër shqiptare e personelit.

Avioni i parë i kësaj kompanie është ulur të premten në mbrëmje në Tiranë, me emblemën e stilizuar të shqiponjes në trupin e Airbus 319.

Të parët që kanë ngjitur shkallët e Lasgushit kanë qenë studentët e ekselencës, për një fluturim inaugurues Tiranë-Stamboll,  si një urim simbolik për vitin e ri shkollor.

Pas muajit të testeve Air Albania do të fluturojë edhe në Romë, Londër, Milano e Bolonja, për t’u shtrire hap pas hapi në drejtime të tjera.

Duket se dega më e afërt që mund të hapet do të jetë ajo e Prishtinës, pasi mësohet se Kryeministri Edi Rama i ka kërkuar kompanisë të konsiderojë edhe hapjen e një dege në kryeqytetin e Kosovës, transmeton Klan Kosova.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP