Zaev: Vendi i Maqedonisë është në Bashkimin Evropian dhe në NATO

Vendi i Maqedonisë është në Bashkimin Evropian dhe në NATO, tha kryetari i LSDM-së dhe kryeministër, Zoran Zaev sonte në tribunën e qytetarëve në Kërçovë, duke u bërë thirrje qytetarëve të dalin më 30 shtator dhe të votojnë për Maqedoninë evropiane.

“NATO do të thotë siguri, paqe dhe stabilitet. NATO do të thotë paqe dhe asnjëherë më luftëra. Neni 5 i Marrëveshjes së NATO-s thotë se nëse sulmohet një vend anëtar ajo do të thotë se është sulmuar NATO dhe të gjitha vendet anëtare. Me hyrjen në NATO përfundimisht do ta sigurojmë Maqedoninë”, tha Zaev.

Ai e përkujtoi referendumin e vitit 1991 kur Maqedonia u bë e pavarur për të cilën, siç tha të gjithë jemi krenarë.

“Kjo gjeneratë gjithashtu ka rol historik. Nëse në vitin 1991 e fituam pavarësinë e vendit, tani duhet ta sigurojmë dhe përfundimisht pas 27 vitesh të niset përpara”, theksoi Zaev.

Ai tha se dilema për referendumin nuk ka dhe se NATO dhe BE janë alternativa e vetme.

Ai u bëri apel qytetarëve të dalin në 30 shtator dhe të votojnë për Maqedoninë evropiane.

Përndryshe, më 10 shtator zyrtarisht filloi fushata për referendumin, bartës i të cilës është Kuvendi i Republikës së Maqedonisë. Në fushatën e Kuvendit do të kyçen 71 deputetë nga të gjitha grupet parlamentare, me përjashtim të partisë opozitare të VMRO-DPMNE-së.

Ndryshe, referendumi do të mbahet më 30 shtator, ku qytetarët e Maqedonisë do të përgjigjen në pyetjen: “A jeni për anëtarësim në NATO dhe BE me pranimin e marrëveshjes me Greqinë?”.

Marrëveshjen me Greqinë në gjuhën shqipe mund ta lexoni: KËTU.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP