Ademi prej Gostivari: “Po” në referendum, që ta bëjmë Evropën në Maqedoni (FOTO)

Pas marshutës së mbajtur  në Vrapçisht, Lëvizja BESA mbajti edhe tubimin qendror të saj në Pallatin e Kulturës në Gostivar, në të cilën u dha mesazhi se qytetarët duhe t’i thonë “po” referendumit, pasi që ajo mundëson që Evropa të bëhet në Maqedoni dhe sjellë perspektivë për të rinjtë, transmeton Portalb.mk.

Ministri i Kulturës nga radhët e BESËS, Asaf Ademi vlerësoi se rrethimi “po” në referendum do të thotë ta bëjmë Evropën në Maqedoni.

“PO-ja e këtij referendumi është PO për amanetin e stërgjyshërve tanë, që na thanë të kujdesemi për këtë troje, dhe është PO për kërkesën e të rinjve, që na pyesin a ka shpresë këtu. Unë ju them PO. Këtu do ta bëjmë Evropën dhe ju nuk keni më nevojë të shpërnguleni”, tha Ademi.

Deputeti i Lëvizjes BESA nga Tetova, Nexhbedin Kahremani vlerësoi se kalimi i referendumit do të mundësojë perspektivë më të mirë për jetë.

“Erdhi më koha që gjeneratave të reja t’ju sigurojmë perspektivë më të mirë, unë jam i lumtur që po kontribuoj në momentet më historike të vendi që gjeneratat e reja të arrijnë perspektiva më të mira për jetë”, tha Kahremani.

Në tubim ka folur edhe kryetari i Lëvizjes BESA, Afrim Gashi  dhe sekretari i përgjithshëm, Skender Rexhepi – Zejdi.

Lëvizja Besa me kryetar Afrim Gashi në tubimin në Gostivar

Lëvizja Besa me kryetar Afrim Gashi në tubimin në Gostivar

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP