Padi penale për kryetarin e Komunës së Zërnovcës, Bllazhe Stankov

Kryetari i Komunës së Zërnovces, Bllazhe Stankov ka marrë padi penale për shkak rritjes joligjore të çmimit të ujit në vitin 2015, gjatë mandatit të kaluar. Është interesante se Ministria e Punëve të Brendshme, për rastin e njëjtë, e akuzon edhe drejtorin aktual të ndërmarrjes komunale për shkak se çmimet i ka kthyer në çmimin paraprak, transmeton Portalb.mk.

Stankov, i cili vazhdoi mandatin e tij në Komunë, është edhe i denoncuari i dytë, ndërsa policia e akuzon për punë joetike për shkak se nuk e ka kontrolluar se a është ligjore rritja e çmimit të ujit në mars të vitit 2015, që është aplikuar deri më 1 qershor të këtij viti.

Për rritje joligjore të çmimit të ujit nga 20 deri më 25 denarë për metër kub dhe për rritje të kompensimit të kanalizimit prej 4 deri më 6 denarë për metër katror. Stacioni policor në Koçan e akuzon V.Gj. (59) ish-drejtorin e Ndërmarrjes Komunale Publike “Vodna Kula” – Zërnovcë. Ai këtë e ka bërë pa vendim të Bordit drejtues të ndërmarrjes dhe pa vendim të Këshillit komunal.

I akuzuari i tretë është G.K. (39) është drejtori aktual e Kësaj Ndërmarrje Komunale Publike. Këtë policia e akuzon sepse në qershor e ka kthyer çmimin paraprak të shumës, pa i kontrolluar rregullat ligjore.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP