Prej 5 deri 11 tetor në Dibër mbahet festivali “Teatri Shqiptar në Maqedoni”

Gjatë periudhës 05-11 tetor të 2018-s, në Dibër të Maqedonisë do të mbahet edicioni i XVII-të i festivalit teatror “Teatri Shqiptar në Maqedoni”, njofton Portalb.mk.

Hapja solemne e festivalit do të jetë më 5 tetor, me fillim prej ora 19:00.

Në këtë natë do të paraqiten Ansambli i Këngëve dhe Valleve nga Kosova “Shota” dhe shfaqja përshëndetëse – koreodrama “Kumt”, kushtuar figurës historike Gjergj Kastriot Skënderbeut.

“Kumt” vjen në koreografi dhe regji të Gjergj Prevazit, muzikë të Valton Beqirit, me kostumografi të Vesa Krajës e kurse udhëheqës artistik është Ylber Asllanaj.

Më 6 tetor, me fillim prej ora 19:30 do të prezantohet Teatri i Tetovës me shfaqjen “Volpone” në regji të Sulejman Rushitit.

Më 7 tetor, me fillim prej ora 19:30 do të prezantohet Teatri i Preshevës me shfaqjen “Skicuesi” në regji të Afeida Boricit.

Më 9 tetor, me fillim prej ora 19:30 do të paraqitet grupi i studentëve të diplomuar Universitetin e Tetovës – Fakulteti i Artit Demokratik me shfaqjen “Ëndrra e shtatë studentëve”.

Më 10 tetor, me fillim prej ora 19:30 do të paraqitet Teatri i  Gjilanit me shfaqjen “I vetëm në banesë” në regji të Natyra Kallabës.

Më 11 tetor, me fillim prej ora 19:30 do të paraqitet Teatri Shqiptar i Shkupit me shfaqjen “Gratë” në regji të Qëndrim Rijanit.

Pas përfundimit të shfaqjes “Gratë”, më 11 tetor do të ndahen edhe çmimet e festivalit.

Përndryshe, pas çdo shfaqje do të ketë edhe tryezë diskutimi rreth shfaqjes dhe teatrit.

Nga edicioni i XVI-të i festivalit “Teatri Shqiptar në Maqedoni”:

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP