“Vizat” arritje historike, Prishtina e Tirana përshëndesin vendimin e PE

“Qytetarët e Kosovës tashmë janë më afër se kurrë realizimit të lëvizjes së lirë në zonën shengen”, kështu u shpreh kreu i shtetit Hashim Thaçi ne një reagim ne rrjetet sociale pas votimit të Parlamentit Europian, transmeton Vizion Plus.

Ndërkohë kryeministri Haradinaj falenderoi të gjithë eurodeputetet që mbështetën lëvizjen e lirë për qytetarët e Kosovës.

Edhe Tirana përshëndeti vendimin.

Kryeministri Rama e konsideroi një moment te rëndësishëm qe hoqi një njollë, me të cilën Europa cenonte flamurin e vet.

Ndërsa kreu i PD Lulzim Basha tha se ky votim i njeh qytetarëve të Kosovës një të drejtë të merituar dhe dinjitet të barabartë në rajon.