Ahmeti- Bushati: NATO dhe BE alternativa e vetme

Kryetari i Bashkimit Demokratik për Integrim, Ali Ahmeti, ka pritur sot në Shkup Ministrin e Jashtëm të Republikës së Shqipërisë,  Ditmir Bushati.

Bashkëbiseduesit kanë diskutuar mbi referendumin e 30 shtatorit, marrëdhënieve bilaterale si dhe situatën e përgjithshme politike në rajon.

Ahmeti theksoi se fushata për referendumin po ec në mënyrë të shkëlqyer dhe prania e njerëzve është e kënaqshme, ndërsa pret rezultat absolutisht pozitiv më 30 shtator. Ai falënderoi Shqipërinë zyrtare për mbështetjen e madhe që i jep proceseve integruese euroatlantike të Maqedonisë.

Ahmeti dhe Bushati u shprehën që alternativa e vetme për rajonin e Evropës juglindore është integrimi i plotë në NATO dhe në Bashkimin Evropian.

Në takim gjithashtu u diskutua edhe për situatën në rajon, barazinë gjuhësore si dhe dialogun midis Prishtinës dhe Beogradit.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP