Manifestimi “Omer Kaleshi fitues i çmimit Nënë Tereza 2018” nesër në Kërçovë (FOTO)

Pasi që marrja e çmimit shtetëror “Nënë Tereza” erdhi si rezultat i propozimit të shoqatës kulturore “ArTact-uS”, kjo shoqatë do të organizojë manifestimin kulturor “Omer Kaleshi fitues i çmimit shtetëror Nënë Tereza 2018”, njofton Portalb.mk.

Manifestimi do të mbahet më 14 shtator, nesër, në Pallatin e Kulturës “Koço Racin”- Kërçovë me fillim prej orës 19:00. Në të do të flitet për jetën dhe veprimtarinë artistike të piktorit Omer Kaleshi dhe do të promovohet libri i tij, duke u shoqëruar nga pikturat dhe muzika e artistëve të rinj të Kërçovës.

Përndryshe, manifestimi vjen pasi që piktori Omer Kaleshi u dekorua me çmimin shtetëror, “Nënë tereza”.

Omer Kaleshi është edhe anëtar nderi i Akademisë së Shkencave dhe Arteve të Maqedonisë. Ka lindur në Kërçovë të Maqedonisë. Përveç në Maqedoni, veprimtarinë artistike e ka zhvilluar edhe në Greqi, Itali, Gjermani, Austri, Britani të Madhe dhe Francë. Përvoja dhe dija disa dekadëshe ka numëruar mbi 50 ekspozita në shtete të ndryshme, pjesa dërmuese e tyre edhe në Francë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP