Lloris gjobitet me 56 mijë euro, drejtonte automjetin i dehur

Kapiteni i Tottenhamit, portieri francez Hugo Lloris është gjobitur me 50 mijë paund (rreth 56 mijë euro) dhe me ndalesë që të ngasë automjetin për 20 muaj, pasi e drejtonte atë në gjendje të dehur, transmeton Anadolu Agency (AA).

Lloris më 24 gusht, në orët e hershme të mëngjesit, gjatë një kontrolli rutinë u ndalua nga policia e Londrës, e cila konstatoi se ka drejtuar automjetin në gjendje të dehur, duke ngritur padi kundër tij.

Portieri francez sot në Gjykatën në Westminister pranoi se ka ngarë automjetin nën ndikimin e alkoolit.

Lloris në Kampionatin e fundit Botëror “Rusi 2018” mbronte portën franceze në ndeshjen finale kundër Kroacisë. Francezët triumfuan me rezultatin 4:2 dhe fituan titullin e dytë të kampionit të botës.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP