Çfarë nuk u pa nga dasma e Rona Nishliut? Publikohen fotografi të reja nga martesa e këngëtares
Të shtunën, këngëtarja e njohur shqiptare, Rona Nishliu i dha fund beqarisë, duke kurorëzuar dashurinë e saj me martesë.
Në një mënyrë krejt befasuese, Rona u martua duke mos bërë shumë zhurmë mediatike, siç rëndom ndodh te këngëtarët e tjerë, transmeton Telegrafi.
Gjatë ditës së djeshme ka qarkulluar vetëm një fotografi e çiftit nga martesa, e cila u komentua në të gjitha mediat.
Ndërsa sot, ka qenë stilistja e saj, Flutura Dedinja, ajo e cila ka publikuar edhe disa fotografi tjera nga dasma e mikeshës së saj.
Bashkëshorti i këngëtares prishtinase quhet Flori, dhe vjen nga Tirana.
Ajo është dukur e mrekullueshme dje gjatë dasmës veshur me fustanin e bardhë, ndërsa jo me më pak elegancë dukej edhe bashkëshorti i saj në kostumin e zi.
