Turqi, shërbimi i paguar ushtarak tërheq 45 mijë persona
Rreth 450 mijë persona kanë aplikuar për shërbimin e paguar ushtarak në Turqi, raporton Anadolu Agency (AA).
Sipas informacioneve të mbledhura nga AA, puna për shërbimin e paguar ushtarak vazhdon me koordinimin e Ministrisë së Mbrojtjes, Shtabit të Përgjithshëm dhe Komandës së Përgjithshme të Xhandarmërisë.
Parashtresat për aplikim filluan më 3 gusht dhe përfundojnë më 3 nëntor.
Parlamenti i Turqisë më 26 korrik ratifikoi një ligj që u mundëson qytetarëve turq të reduktojnë afatin e shërbimit të tyre ushtarak, duke paguar një shumë të caktuar parash.
Ligji u mundëson qytetarëve turq të përfundojnë shërbimin e tyre ushtarak për vetëm 21 ditë në vend të 5 muajve e gjysmë ose 12 muajve, nëse ata janë të diplomuar universitarë dhe paguajnë një shumë parash në qeveri nëpërmjet llogarive bankare.
Sipas ligjit, qytetarët e lindur më ose para 1 janarit të vitit 1994 do t’u kërkohet të kompletojnë vetëm 21 ditë shërbim ushtarak nëse paguajnë 15 mijë lira turke apo 2.290 dollarë amerikanë.
