Zaev: Vodno mbetet vendi më përkatës për ndërtimin e gazsjellësit
Kryeministri i Maqedonisë, Zoran Zaaev sot edhe njëherë përsëriti se Vodno mbetet vendi dhe mënyra më e mirë për ndërtimin e gazsjellësit sepse nëse do të vendosej në Karadakun e Shkupit, do të shkaktonte më shumë probleme me drurët e prerë, transmeton Portalb.mk.
“Kemi premtuar dialog për këtë, janë mbajtur dhjetëra mbledhje, po punohet për Vodnon tonë, për mushkëritë e Shkupit, por njëkohësisht për projektin me vlerë të madhe ekologjike dhe ekonomike. Çdo gyp mbron mijëra dru. Shpresoj se së bashku do të vazhdojmë ta ndjekim projektin e gazifikimit, sepse çfarëdolloj alternative tjetër do të shkaktonte probleme. Nëse gazsjellësi kalon nëpërmes Karadakut të Shkupit (Malin e Zi të Shkupit), projekti do të shkaktonte dëm të dyfishtë me drurët e prerë”, tha Zaev.
Ai shtoi se projekti do të vazhdojë, por në komunikim dhe konsultim me sektorin civil dhe gjithashtu tha se shpreh keqardhje për incidentin e djeshëm mes protestuesve dhe ekskavatorëve.
“Dua të shpreh keqardhje për mënyrën e tillë të sjelljes së ekskavatorëve, të përfaqësuesve të kryerjes së punimeve. Apsolutisht ky akt është për t’u dënuar, përmes kërcënimeve se dikush do të sulmojë jetë njerëzore”, tha Zaev.