Ndërtohet kanalizim në gjatësi prej 2 kilometra në fshatin Turçan i Vogël
Në vazhdën e investimeve të njëpasnjëshme në sferën e infrastrukturës, projekt i radhës i Komunës së Gostivarit është ndërtimi i kanalizimit në fshatin Turçan i Vogël.
Është ky edhe një premtim i realizuar i kryetarit Arben Taravari, i dhënë banorëve të fshatit Turçan i Vogël si kërkesë e tyre e arsyeshme, me rastin e vizitës së tij këtij fshati të premten e kaluar.
Linja e kanalizimit ka një gjatësi prej rreth 2000 metrash, ndërsa me ndërtimin e saj zgjidhet problemi i gjithë fshati.
Komuna e Gostivarit, tashmë ka hyrë në fazën e bumit investiv, ndërsa në muajin shtator fillon realizimi i akoma më shumë projekteve nga fusha e infrastrukturës dhe përmirësimi i cilësisë së jetës të qytetarëve të komunës së Gostivarit.
