Papa Françesku nuk i përgjigjet letrës rreth pretendimeve për abuzime seksuale

Papa Françesku ka refuzuar të përgjigjet ndaj pretendimeve të një ish-diplomati të Vatikanit, peshkopit, Carlo Maria Vigano, i cili i ka kërkuar të dorëhiqet.

Peshkopi Vigano e ka akuzuar Papën për mbulim të akuzave rreth abuzimeve seksuale nga një kardinal amerikan, transmeton REL.

Papa është pyetur për akuzat nga gazetarët teksa ishte duke u kthyer në Romë, pasi vizitës së tij në Irlandë.

Ai ka thënë se nuk do të flasë as edhe një fjalë për letrën 11 faqëshe të peshkopit Vigano.

“Po e them sinqerisht sepse me duhet ta them këtë për ju”, ka thënë ai kur është pyetur për letrën “dhe për të gjithë ata që janë të interesuar: Lexoni me kujdes dokumentin dhe gjykoni personalisht.

“Unë nuk do të flas asgjë për këtë. Mendoj se deklarata flet vetë”.

Letra është publikuar derisa Papa ishte duke mbajtur një fjalim për abuzimet seksuale nga priftërinjtë gjatë një vizite në Irlandë.

Ky dokument ka ngritur dyshime nëse Papa është duke u përballur me sulme të koordinuara nga tradicionalistët në hierarkinë katolike.

“Ju keni kapacitet të mjaftueshëm për të krijuar përfundime”, u ka thënë Papa gazetarëve.

“Kur të kalojë koha dhe të keni përfundimet, ndoshta do të flas”, është shprehur ai.

Lajme të ngjashme

Leave a Reply

Your email address will not be published. Required fields are marked *

Back to top button