Jankulloska për benzinën e policisë: Zgjedhjet janë kah fundi, harxhuam çdo gjë që kishim!

Se resurset shtetërore janë harxhuar për kampanja partiake u dëshmua edhe një herë në seancën e sotme të rastit “Titanik”. Në disa “bomba” u dëgjua se policia përskaj obligimeve zyrtare, në zgjedhjet e vitit 2011, ka kryer edhe urdhra partiak, transmeton Fokus, përcjell Portalb.mk.

Në njërën nga bisedat mes Gordana Jankulloskës dhe Mile Janakieski është zbuluar se Janakieski është i pakënaqur pasi policë nga Strumica ishin dërguar në Tetovë, për këtë shkak një lagje rome në Strumicë ka ngelur pa mbikëqyrje, gjegjësisht kanë mundur lirisht të blihen votues.

“Nuk ka njerëz, nga Strumica keni tërhequr 30 persona në Tetovë”, ka reaguar Janakievski ndaj Jankulloskës.

Ajo nga ana tjetër i thotë se ata janë njerëz nga njësia speciale dhe se mund t’i kthej, por siç thotë nuk ka nevojë.

“Nuk është e vërtetë që nuk ka njerëz, problem është që nuk ka benzinë. Askund nuk kemi benzinë jo vetëm në Strumicë. Zgjedhjet janë kah fundi dhe gjithçka që kishim harxhuam. Kemi nga 20 litra në stacion. Për mbikëqyrje njerëzit shkojnë me vetura private. Nëse ka vrasje shkojnë me veturat e tyre”, thotë Jankulloska.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP