Ushtria amerikane mbetet në Irak derisa të ketë nevojë

Forcat amerikane do të mbeten në Irak derisa të ketë nevojë, me qëllim që të stabilizohen rajonet të cilat paraprakisht ishin nën kontroll të grupit ekstremist Shteti islamik, theksoi koloneli Shon Rajan, zëdhënës i koalicionit ndërkombëtar, i kryesuar nga SHBA-ja, që po lufton kundër ekstremistëve.

“Do t’i mbajmë trupat atje derisa mendojmë se është e nevojshme”, theksoi Rajan.

Ai sqaroi se shkaku kryesor për qëndrim të ushtrisë amerikane në Irak janë përpjekjet që të stabilizohen disa pjesë të vendit, pas dështimit ushtarak të SHI-së.