Pse perimet ulin rrezikun për kancer të zorrës
Shkencëtarët kanë thënë se kanë zbuluar pse disa perime, siç janë lakra, brokoli dhe lakra jeshile, ulin rrezikun për kancer të zorrës.
Përfitimet nga këto perime kanë qenë të njohura edhe më parë, ndërsa tani shkencëtarët kanë dhënë një shpjegim të detajuar, transmeton Klan Kosova.
Ekipi nga Instituti Francis Crick ka gjetur se kemikatet anti-kancerogjene prodhohen përderisa perimet treten.
Sipas punës së tyre, të publikuar në revistën Immunity, tregohet se kemikatet në këto perime janë vitale.
