MPB jep detaje për vdekjen e parashutistëve të huaj në Krushevë

56 vjeçari I.V. nga Ukraina dhe 54 vjeçari I.P. nga Britania e Madhe janë dy parashutistët të cilët humbën jetën në fatkeqësinë e djeshme që ndodhi në Meçkin Kamen të Krushevës.

Sipas policisë, tragjedia ka ndodhur dje në orën 12:30 minuta, gjatë kohës kur është zhvilluar turneu i parashutistëve “British Open Championship 2018”, kur dy parashutistët janë përplasur me njëri tjetrin në ajër. Ukrainasi I.V. ka ndërruar jetë në vendin e ngjarjes, ndërsa britaniku I.P. me lëndime të rënda trupore u transferua në Spitalin e Prilepit ku edhe ndërroi jetë më vonë.

Nga Prokuroria Themelore Publike thanë se ditën e djeshme prokurori përgjegjës nga Prokuroria Themelore e Prilepit në bashkëpunim më ekipin e krim-teknikës nga MPB, ka kryer hetimet në vendin e ngjarjes ku humbën jetën dy parashutistët. Për zbardhjen e tërësishme të rastit është dhënë urdhër mbledhjen e gjurmëve dhe fakteve.

Trupat e viktimave me urdhër të prokurorit janë dërguar për obduksion.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP