Mickoski: Të rinjtë paguajnë dështimin e qeverisë
Mos përfshirja e Universiteteve të vendit në listën e Shangait sipas kreut të VMRO DPMNE-së Hristijan Mickoski përbën dështim të madh. Sipas tij vendi nuk mund të ketë të ardhme evropiane dhe as perspektivë për të rinjtë me sistem arsimor jocilësor, transmeton Alsat M.
“Mund të them se kjo është rezultat i moskujdesit dhe mungesës së strategjisë në arsimin e lartë, mungesës së motivimit të kuadrit arsimor, eksperimentimit dhe politizimit të arsimit. Për një gjë të tillë nuk ka justifikime, mossuksesin e qeverisë e paguajnë të rinjtë”, deklaroi Hristijan Mickoski, kryetar i VMRO DPMNE-së.
